Pled giuvenil da l'onn
Tes onn, tes vibe: tes Pled giuvenil da l'onn
Gia udì? Per l'emprima giada has ti la pussaivladad da tscherner il Pled giuvenil da l'onn!
Sco giuvenil:a ves'ins il mund cun auters egls e discurra d'agens temas. Il Pled giuvenil da l'onn tschiffa questa perspectiva e reflectescha ils discurs actuals en la societad dal punct da vista da persunas giuvnas – pia da tia vista.
Ti has l'occasiun da mussar a l'entira Svizra co che ti discurras e tge pleds che ti dovras actualmain.
Fields marked with an asterisk are mandatory fields.
Il Pled giuvenil da l'onn vegn communitgà ils 27 d'october 2026.
Co vegn tschernì?
A partir dal 2026 vegn il Pled giuvenil da l'onn tschernì en tut las quatter linguas naziunalas. Ma era pleds englais e pleds da las diversas linguas da migraziun dastgan vegnir tschernids, cunquai che las persunas giuvnas dovran dapli linguas en lur mintgadi ch'ils creschids.
Per mintga lingua maina la tscherna sur trais stgalims:
- Giuvenil:as tramettan lur propostas online.
- Ina giuria da persunas giuvnas tscherna or da questas propostas ils trais pleds ils pli relevants. Exclus da la tscherna èn expressiuns discriminantas u discreditantas, nums propris (da persunas, marcas, scolas, etc.) sco era posiziuns politicas u ideologicas (p.ex. chavazzins da votaziuns actualas).
- A la fin explitgan las giurias cun istorgias da pleds co che quests pleds èn naschids durant l'onn passà en Svizra e tge fenomens e midadas en la cultura giuvenila ch'els represchentan.
Il project vegn ad esser interactiv e preschent sin Instagram, TikTok ed en las scolas.
Squadra
Elisabeth Dietzsch (tudestg)
Michèle Costantini (franzos)
Nina Gambone (talian)